Søndagsmeny

Menyen i dag: torsk i basilikum- og brenneslesaus, urtebakte potetar, karamellisert lauk og gulerot med lime og riven gulerot med druer. Dessert: heimelaga sorbet av jordbær, banan, melon og mango.

Potetene vart delt i 8 og spreidd i ei langpanne med litt olje nedst. Strødde timian, oregano og dill oppå men omtrent alle urter vil smake godt på bakt potet. Pass på å vende potetene litt under steiking - kan hende med påfyll av smør eller olje og krydder.

Hovudretten var basert på ei oppskrift frå matbladet Nord. Basisen var litt fiskebuljong, kokt inn med masse basilikum, litt brennesle (ikkje i originaloppskrifta) og pressa kvitlauk. Tilset fløte og bruk matkvern eller stavmiksar for å jamne sausen. Ha i frosne erter og torskefilet, lat det trekkje.

Til karamelliserte grønsaker: smelt litt brunsukker i kjele, press over litt lime-jus og ha oppi fint strimla lauk (vi brukte både gul og raud) og gulrot. Rør ofte.

Til sist raspa vi gulerøter og heiv oppi ein del druer under raspinga. Nydeleg søndagsmat - basilikum og brennesle til fisk var storveges.

<<: Kvifor familiebloggen ikkje er på Facebook --

Comments

Add commentAdd comment